CSAMT convoca concentraçons solidárias com Telmo e Miguel

Coincidindo com seu o julgamento em Vigo, CSAMT convoca sob a legenda “Solidariedade. Telmo liberdade. Miguel absolviçom!” concentraçons solidárias diante dos julgados de Vigo os dias 5 e 6 de fevereiro às 9.30 horas.

 Poucas semanas antes de se esgotarem os dous anos de injustificada prisom preventiva, o Estado espanhol vai julgar o militante obreiro Telmo Varela, detido a 9 de março de 2011, assim como Miguel Nicolás, detido em dezembro de 2010 e posteriomente encarcerado um ano e cinco meses.

Ambos sindicalistas estám acusados de atacar diversos interesses do patronato, da burguesia e dos sindicatos amarelos.

O Estado tem bem estudado o objetivo de manter Telmo em prisom o maior tempo possível. Como carece de provas e base real para prolongar o seu encarceramento dous anos mais, decidiu marcar data de julgamento para 5 e 6 de fevereiro, com o claro propósito de o condenar como escarmento à luita obreira mais consecuente e combativa.

Polas elevadas solicitudes de condena: 10 anos para Telmo e 5 para Miguel, o lógico teria sido serem julgados pola Audiência Provincial. Mas o julgamento realizará-se na Sala do Penal nº 1 de Vigo, para que o mesmo fiscal que levou toda a instruçom do sumário, em estreita colaboraçom com a Guarda Civil, poda encarregar-se da acusaçom.

Embora o sumário esteja pragado de lacunas e provas pré-fabricadas, há umha firme vontade política de aplicar umha condena exemplarizante.

Telmo e Miguel som dous operários do naval detidos num operativo repressivo que pretendia amedrontar o movimento obreiro. O julgamento é umha farsa, pois o tratamento dado a ambos sindicalistas nem se corresponde com a “gravidade” dos factos por que som imputados, e difere radicalmente do aplicado por delitos comuns.

Porque os diretivos da banca como José Luís Pego, José Luis Mendez ou Júlio Fernández Gayoso; porque o ex-presidente do patronato espanhol, Gerardo Díaz Ferrán; porque o genro do Rei, Iñaki Urdagarín, ou o dirigente do PP, Angel Carromero, condenado a 4 anos de prisom pola morte de duas pessoas num acidente de tráfico som tratados com luva de seda?

Porque enquanto os que roubam ao povo trabalhador malversando fundos públicos, branqueando capitais, evadindo impostos, saqueando milhons de euros em primas, indenizaçons e pensons de ouro, estám livres, dous honrados e entregados luitadores obreiros som criminalizados pola imprensa, vulnerados os seus mais elementares direitos, metidos em prisom preventiva sem julgamento nem provas, e condenados de antemao?

Contra este regime corrupto e podre que nos condena ao desemprego, aos baixos salários, a condiçons laborais decimonónicas, à emigraçom, luitavam Telmo e Miguel de forma organizada antes de serem detidos.

CSAMT apela à solidariedade do povo trabalhador com Telmo e Miguel, a secundar as concentraçons de apoio convocadas, a manifestar nas paredes e nas ruas do nosso país que estamos com eles, que som um exemplo para a luita obreira, nacional e popular.