Nova reclamaçom de liberdade realizada no Calvário

Terça-feira 2 de agosto CSAMT realizou umha concentraçom solidária para reclamar a excarcelaçom de Miguel e Telmo, presos em VIllaboba (Xixon) e Dueñas (Palencia) por defender os interesses da classe obreira galega.

"Telmo, Miguel liberdade", "Nom pode ser obreiros na cadeia corruptos no poder", “Presos à rua, a luita continua", "Contra Espanha, contra o Capital, luita obreira, luita nacional", "A luita obreira nom é delito", “O capitalismo é o terrorismo”, “A soluçom a Revoluçom” fôrom as palavras de ordem mais empregadas antes de dar passo à intervençom política.

David Pichel em nome do CSAMT lembrou que Miguel e Telmo levam presos oito e cinco meses respetivamente polo único delito de ser sindicalistas consequentes.

Jornada de convívio solidário em Liméns

Sábado 30 de julho tivo lugar na praia de Liméns, em Cangas do Morraço, umha jornada de confraternizaçom organizada polo CSAMT em solidariedade com os dous sindicalistas da CUT presos.

Umha magnífica churrascada permitiu reunir ativistas do CSAMT e familiares de Telmo para lembrar aos dous camaradas encarcerados em Villabona (Astúrias) e Dueñas (Paléncia). O ganho económico do encontro será destinado integramente a contribuir às despesas da defesa jurídica.