A liberdade dos dous sindicalistas presos foi reivindicada polo CSAMT na XXV ediçom do Festival de Poesia do Condado organizado pola SCD 2 e 3 de setembro.
Na entrada do recinto das muralhas de Salvaterra de Minho, onde tem lugar a iniciativa cultural, foi pendurada umha faixa solicitando a liberdade dos dous camaradas.
Na noite de sábado um ativista do CSAMT deu leitura ao comunicado que reproduzimos durante o "micro aberto" que tem lugar durante o espetáculo poético-musical.
Telmo, Miguel liberdade
Miguel Nicolás e Telmo Varela som dous obreiros do naval e sindicalistas galegos atualmente presos em Villabona (Astúrias) e Dueñas (Palência) . Fôrom detidos em dezembro de 2010 e março deste ano respetivamente, acusados de participar em açons de sabotagem contra interesses do Estado espanhol e da burguesia.
Mas o seu único delito é ser coerentes na defesa dos direitos da classe obreira e do conjunto do povo trabalhador.Atualmente, logo de serem dispersados da prisom da Lama, estám aguardando juízo longe do seu País.
Boa parte dos seus direitos estám conculcados polo sistema penitenciário de um Estado altamente repressor que com este castigo exemplarizante pretende evitar a toda custa a configuraçom de um movimento obreiro e popular combativo que faga frente à grave situaçom económica e social que padecemos pola crise estrutural que padece o sistema capitalista.
O Comité de Solidariedade e Apoio a Miguel e Telmo (CSAMT) leva desde o início da detençom de Miguel, e posteriormente a de Telmo, trabalhando sem descanso para lograr a liberdade de ambos presos políticos galegos.
A solidariedade é a melhor arma para lograr a recuperaçom da liberdade. Apelamos ao conjunto do povo trabalhador galego a secundar todas as iniciativas tendentes a dar apoio a Telmo e Miguel.
A luita obreira é o único caminho!
Nom pode ser obreiros na cadeia, corruptos no poder!
Telmo, Miguel liberdade!
