Tal como temos informado, Miguel Nicolás, após passar dezassesis meses nas prisons espanholas sem ser julgado, foi libertado quarta-feira 2 de maio após pagamento de umha fiança de 3.000€.
Na tarde da
sexta-feira 4 de maio recebeu um caluroso recebimento no emblemático bairro
viguês do Calvário. A iniciativa promovida polo CSAMT foi organizada sob a
legenda “Bem vindo à Pátria camarada!”.
Eram perto das 20 horas,
quando entre enorme expetaçom, acompanhado por Raúl Palomanes e Rebeca Bravo,
Miguel entrava pola rua Urzaiz sob os acordes do Hino do Antigo Reino da Galiza
entre um corredor de bandeiras comunistas e da Pátria.
O preso político
galego foi recebido num entusiasta ambiente de gritos de alegria e
solidariedade por camaradas e amizades.
Após receber um ramo
de flores, as bem-vindas à Patria foi entoado o Hino nacional. Posteriormente a
camarada Rebeca Bravo, em nome do CSAMT, agradeceu a todas e todos os presentes
o arroupe emprestado a Miguel, a perserverância mantida para lograrmos a sua
liberdade.
Entre gritos de “Telmo liberdade!”, “Nom pode ser obreiros na cadeia, corruptos no poder” Raúl
Palomanes enquadrou o incremento da repressom e criminalizaçom da luita obreira
como parte consubstancial da crise capitalista. Incidiu na necessidade de
reforçar a luita, da organizaçom operária e nacional, do combate contra o
Capital. Manifestou que Miguel forma parte da melhor tradiçom da luita obreira
e popular do Vigo proletário.
Entre gritos de “A luita é o único caminho” Miguel agradeceu
a todas as pessoas a presença neste ato popular e reclamou a liberdade de todas
e todos os presos políticos galegos.
Depois de cantar a Internacional
Davide Pichel entregou umha placa de granito na que aparece gravada a fouce e
martelo no interior do mapa nacional da Galiza.
Posteriormente dúzias
de pessoas acompanhárom a Miguel numha ceia solidária realizada no centro
social Lume!.
