Convocada pola CUT sob a legenda "Nom à criminalizaçom da luita sindical. Telmo, Miguel liberdade", tivo lugar, quinta-feira 24 de março, diante do mercado do bairro viguês do Calvário umha concentraçom para solicitar a liberdade dos dous trabalhadores desempregados do naval. À volta de 130 pessoas secundárom a iniciativa que finalizou com a intervençom de Ricardo Castro, secretário-geral da central sindical, quem denunciou a criminalizaçom da luita obreira e a firme vontade de continuar na defesa dos direitos laborais. Também agradeceu as mostras de solidariedade de diversas centrais sindicais de diversos países europeios.
Ao longo da meia hora que durou a concentraçom fôrom lançadas constantes palavras de ordem em apoio a Telmo e Miguel: "Nom pode ser obreiros na cadeia corruptos no poder", "Telmo, Miguel liberdade", Pres@s à rua, a luita continua", Mais trabalho, menos polícia".
O CSAMT participou portando duas faixas, umha delas de mais de vinte metros de comprimento.
Nenhum comentário:
Postar um comentário