Miguel, Telmo liberdade!

Governo PSOE criminaliza luita obreira e popular

A detençom do camarada Telmo Varela a 9 de março e posterior entrada na prisom na Lama vem somar-se à praticada contra Miguel Nicolás em meados de dezembro de 2010.

Ambos estám acusados de participar em diversos sabotagens contra interesses da burguesia e das suas entidades de apoio. Telmo, tal como Miguel, padeceu nos dias posteriores a sua detençom umha obscena campanha mediática de intoxicaçom em que se violou a sua presunçom de inocência. Deste jeito, os meios de (des)informaçom do regime já condenárom Telmo e Miguel, sem terem sido ainda julgados.

Nós, que conhecemos Miguel e Telmo, com os quais temos participado em luitas, tal como milhares de trabalhadores e trabalhadoras de Vigo, sabemos que ambos som dous corajosos operários do metal desempregados entregados à causa da emancipaçom da sua classe. Na CUT, da qual Telmo é Secretário Comarcal de Vigo, participárom ativamente na luitas do metal e nas greves gerais de 29 de setembro e 27 de janeiro.

Com estas medidas repressivas, o Estado espanhol pretende golpear os setores mais avançados e conscientes do proletariado do sul da Galiza para os desmobilizar e assim poder disciplinar e infundir temor ao conjunto da classe trabalhadora.

Porém, esta estratégia está condenada ao fracasso. Enquanto houver agressons contra os nossos direitos e conquistas, enquanto continuarmos a padecer a exploraçom capitalista, enquanto nom conseguirmos conquistar umha Galiza sem classes e soberana, sem machismo nem patriarcado, a luita obreira, nacional e de género seguirá até atingir a vitória.

O CSAMT apela ao conjunto do povo trabalhador galego a secundar todas aquelas iniciativas solidárias com Miguel e Telmo. A apoiar economicamente os dous camaradas presos e enviar mensagens de apoio e ánimo.

Nom pode ser, obreiros na cadeia, corruptos no poder!! 

Presos à rua, a luita continua!
O capitalismo é o terrorismo!

Vigo, Galiza, 24 de março de 2011

Panfleto formato original | Descarregar (PDF)