Vigo solicitou a liberdade de Miguel

No bairro proletário do Calvário, -onde no verao de 1936 a classe obreira resistiu com as armas na mao o levantamento fascista que deu origem ao atual regime monárquico espanhol-, tivo lugar quarta-feira 29 de Dezembro umha concentraçom solidária com Miguel Aparício Nicolás.


Convocada pola CUT, e com o respaldo do conjunto do MLNG e outras entidades de esquerda, foi solicitada a imediata liberdade para o jovem operário vigués, cujo único “delito” é defender activa e consequentemente os seus direitos e denunciar a brutal agressom que a burguesia está lançando contra o conjunto do povo trabalhador.

“Nom pode ser, obreiros na cadeia, corruptos no poder”, “O capitalismo é o terrorismo”, “Miguel liberdade”, “Obreiro em paro patrom colgado”, fôrom algumhas das palavras de ordem em apoio ao Miguel.

Primeira Linha manifesta novamente o seu apoio a Miguel reclamando a sua imedita liberdade animando a enviar apoio individual e colectivo à prisom da Lama.

Mas também umha das melhores homenagens que se podem fazer a Miguel é involucrar-se activamente em todas aquelas iniciativas tendentes a garantir o sucesso da greve geral nacional de 27 de janerio.


Miguel nom está só, está no coraçom de todas e todos os combatentes galegos por umha Pátria libertada, por umha Galiza emancipada da ditadura do capital e da opressom do patriarcado.

Neste fim de ano brindaremos por ti camarada!