Miguel Nicolás Aparício é um jovem trabalhador viguês filiado à CUT que está preso no cárcere da Lama, acusado de ter participado em sabotagens contra o INEM.
Atualmente, após a sua detençom 15 de dezembro, continua seqüestrado no cárcere da Lama sob falsas acusaçons. A estas alturas, nem ele, nem o seu advogado sabem quais som. É mais que suspeito que ainda continue o segredo do sumário, quando já passou tempo mais que suficiente desde a sua detençom. Está claro, seguem com o segredo do sumário porque nom tenhem nem umha só prova para o manterem no cárcere.
Em Miguel querem escarmentar toda a juventude galega, o sistema quer umha juventude submissa, alienada, que nom pense por si mesma; e todo aquele e toda aquela que sair do seu curral, pau. Agora foi Miguel, amanhá podes ser tu ou qualquer pessoa que luite polos seus direitos laborais ou nacionais.
O sistema capitalista nom permite oposiçom real, para poder aplicar com facilidade as suas reformas laborais impunemente: os cortes salariais, o incremento da idade de jubilaçom, rebaixar as pensons. Querem que a crise a paguemos nós e nom escatimam meios nem forças para nos assovalhar.
Miguel destacou nas grevs do metal por estar em primeira fila, este é o seu verdadeiro delito e nom outro. Houvo mais obreiros e obreiras reprimidas por destacar na luita, uns fôrom despedidos e despedidas, outros e outras tenhem vedada a entrada nos estaleiros, ou fôrom recluídos e recluídas em pequenos talheres, para evitar o contato com os seus companheiros e companheiras.
As pessoas que conhecemos o Miguel sabemos da sua desenvoltura, gostava tirar do ar à gente, é um jovem extrovertido e alegre, mas também sabemos da sua generosidade, da sua solidariedade e do seu sentido da justiça.
É umha pessoa sensível, como nom pode ser de outra forma alguém que goste e ame a música.
E agora, um sistema de alma obscura, corrupto, sem escrúpulos, que se sustenta graças à repressom, tem-no preso, vilipendiado e amordaçado. Nós nom queremos um sistema assim, por isso luitamos contra este estado de cousas e gritamos com todas as nossas forças: LIBERDADE PARA MIGUEL.
TODOS/AS AO CALVÁRIO NO DIA 1 DE FEVEREIRO ÀS 20 H. CONCENTRAÇOM DIANTE DO MERCADO
DOMINGO 13 DE DE FEVEREIRO ÀS 13 HORAS
CONCENTRAÇOM DIANTE DA CADEIA DA LAMA
Nº DE CONTA SOLIDARIEDADE ECONÓMICA: 2080-0079-90-0040012553
Nenhum comentário:
Postar um comentário