Nova concentraçom solidária nas Travessas

O Comité de Solidariedade e Apoio a Miguel e Telmo (CSAMT) convoca terça-feira 7 de junho às 20.30 horas, na praça de América, no bairro das Travessas, ao lado do centro comercial Camélias, a concentraçom que vem realizando mensalmente desde janeiro.

MIGUEL, TELMO LIBERDADE. Seis e três meses encarcerados por defender os direitos operários é a legenda empregada para movimentar-se para solicitar a saída de prisom dos dous camaradas presos em Villabona e a Lama simultaneamente.

Continua campanha agitativa a prol da liberdade de Miguel e Telmo

O CSAMT continua despregando umha campanha agitativa permanente para que a reivindicaçom de liberdade dos dous camaradas presos esteja de forma permanente nas ruas do nosso país.

A partir de agora iremos reproduzindo os murais e outras formas de expressom que se elaborem.

CSAMT organiza jornada solidária na Comarca do Eume

O próximo sábado 11 de Junho o CSAMT organiza no CSO Casa da Estaçom de Pontedeume, umha jornada de solidariedade com Telmo e Miguel.

O programa começará às 20h00 com umha palestra para socializar a situaçom dos companheiros presos na Lama e Villabona na que intervirá um companheiro do Comité.

Posteriormente haverá um concerto do grupo galego Post Mortem e o basco Plan B. O preço do bilhete solidário será de 4 euros e os benefícios serám destinados a ajudar economicamente a estes companheiros.

Do CSAMT queremos agradecer a colaboraçom desinteresada dos dous grupos.

CSAMT assistiu à concentraçom da CUT em Teis

Foto: Galizacontrainfo.org

Tal como vimos fazendo desde a nossa constituiçom o CSAMT participou na concentraçom mensal convocada pola CUT quinta-feira 26 de maio diante do mercado do Toural no bairro de Teis.

No transcurso da mobilizaçom solidária fôrom lançadas palavras de ordem a prol da liberdade de Telmo e Miguel e contra a criminalizaçom da luita obreira.

Concentraçom quinta-feira 26 de maio

CUT - O vindeiro xoves día 26 de maio, ás 20 horas no mercado de Teis, en Vigo, terá lugar a concentración mensual que a CUT convoca reclamando a liberdade dos traballadores afilados a esta central, Telmo Varela e Miguel Nicolás. Estaremos novamente nas rúas para facer ben visíbel a situación que están a padecer estes compañeiros que a día de hoxe permanecen nas cadeas como medida preventiva, como medida intimidatoria para aqueles traballadoras e traballadoras que defenden con diginidade os seus dereitos.

Poñemos tamén no voso coñecemento a concentración que para o domingo 12 de xuño estamos preparando na prisión de A Lama, concentración da que vos iremos informando.

O Calvário acolhe quinta concentraçom solidária

Terça-feira 3 de maio tivo lugar diante do mercado do bairro viguês do Calvário a concentraçom mensal para reclamar a liberdade de Miguel e Telmo.

As dúzias de camaradas familiares e amizades que portavam duas faixas e "piruletas" com as fotos dos presos coreárom durante mais de meia hora as palavras de ordem "Nom pode ser obreiros na cadeia corruptos no poder", "Telmo, Miguel liberdade", Pres@s à rua, a luita continua", Mais trabalho, menos polícia", "A luita obreira nom é delito".

David Pichel deu leitura a um comunicado do CSAMT antes de finalizar o acto, agradecendo a todos e todas os presentes esta nova mostra de apoio e solidariedade.

Telmo e Miguel estivérom presentes no 1º de Maio de Vigo

O CSAMT distribui centenares de panfletos solicitando a liberdade de Miguel e Telmo nas manifestaçons do sindicalismo galego de classe. Ativistas do Comité portárom os retratos de ambos obreiros presos nas manifestaçons de Vigo da CIG e CUT.