CSAMT organizou jornada solidária em Pontedeume

Foto: Diário Liberdade

Sábado 11 de junho tivo lugar em Pontedeume umha jornada de solidariedade promovida polo CSAMT.

Passadas as 20.30h tivo lugar umha palestra informativa no Centro Social Okupado da Casa da Estaçom. No ato apresentado polo jovem militante independentista, Carlos Garcia Seoane, o companheiro do CSAMT, David Pichel, explicou a situaçom na que se encontram Miguel Aparício e Telmo Varela e os acontecimentos que levárom ao sequestro polo Estado espanhol desde há três e seis meses respetivamente.

O membro da Direçom Comarcal da CUT em Vigo destacou que Miguel e Telmo som vítimas da vendetta do Estado que se ensanha com aqueles destacados militantes do movimento operário que nom se resignam nestes tempos de crise capitalista. David Pichel manifestou que a dia de hoje nom há nengumha prova que justifique a prisom incondicional na que se encontram os dous camaradas. Aliás, fixo um apelo às pessoas presentes a escrever para ambos presos para fazer ver aos responsáveis repressivos que os presos tenhem apoios no exterior.

Às perguntas desde o público, David Pichel informou das diferentes iniciativas realizadas e programadas para socializar a situaçom de Telmo e Miguel.

Posteriormente à palestra, tivo lugar um concerto com o grupo galego Post Mortem e o basco Plan B que durou até bem entrada a noite. O dinheiro recadado com os bilhetes e o balcom deste será entregado aos presos.

Do CSAMT queremos agradecer aos dous grupos a sua colaboraçom desinteresada assim como aos e às companheiras da CSO da Casa da Estaçom.